հիստ

Բարև ․․մեկ -երկու խորհուրդ տամ քեզ ու մաղթեմ հաջողություն

1․Պրեպարտի թվերը հիշել պետք չէ ,հիշիր միայն նրա տեսքը և թե ինչից է կազմված․Քարտերում թվերը ներառել եմ ,որ հեշտ լինի քեզ

2․Հարցումից առաջ ժամանակ գտիր և ամբիոնում նայիր պրեպարատները ․․․․

Շնորհակալ եմ ,որ հետաքրքվել ես նյութով ցանկացած սխալ գտնելու կամ առաջարկների համար գրիր էջին՝ arm_medipath_

Պրեպարատ 27. Փուխր թելակազմ շարակցական հյուսվածք. Թափանցիկ ամորֆ նյութի վրա տեսանելի են հաստ, թեթևակի ոլորված կոլագենային թելերը և բարակ, ուղիղ ճյուղավորված առաձգական թելերը: Թելակազմ շարակցական հյուսվածքի հիմնական բջիջներն են ֆիբրոբլաստներն ու մակրոֆագերը: Ներկումը՝ երկաթյա հեմատոքսիլինով

Պրեպարատ 35. Հիալինային աճառ Երևում են շարակցահյուսվածքային վերնաճառը, դրա տակ՝ խոնդրոգենային շերտը, որի տակ երիտասարդ իլիկաձև աճառային բջիջներն են: Ավելի խորը շերտերում բջիջները դասավորվում են 2-4 բջիջներով՝ ձևավորելով իզոգեն խմբեր: Ունի վերնաճառ, կարող է կրակալվել: Ներկումը՝ հեմատոքսիլին-էոզինով

Պրեպարատ 19. Ճարպոնի միաշերտ տափակ էպիթել (մեզոթել) Պատրաստուկի էպիթելը դիտարկվում է վերևից: Բջիջները բազմանկյուն են, եզրերը՝ հստակ գծագրված (պայմանավորված իմպրեգնացիայով): Երևում են կլոր կամ օվալաձև կորիզները (կարող են լինել բազմակորիզ բջիջներ), ցիտոպլազման, ինչպես նաև բջիջների միջև առկա դատարկ տարածությունները՝ ստոմատները, որոնք լցված են մահացած բջիջներով։ Ներկումը՝ ազոտաթթվային արծաթ-հեմատոքսիլինով (կորիզները ներկվում են հեմատոքսիլինով, իսկ եզրերը իմպրեգնացվում են արծաթի աղերով)

Պրեպարատ 1. Երկկենցաղի լյարդի բջիջներ, որոնք ունեն բազմանկյուն կառուցվածք։ Տեսնում ենք բջջի սահմանները, ցիտոպլազման, կորիզը։ Ներկումը՝ հեմատոքսիլին-էոզին

Պրեպարատ 20. Երիկամի միաշերտ խորանարդաձև էպիթել Երևում են երիկամային ծորանները՝ լայնական կտրվածքում, որոնց պատը կազմված է միաշերտ խորանարդաձև էպիթելից։ Երևում են խորանարդաձև բջիջները, կլոր, կենտրոնական դասավորված կորիզները, հիմային թաղանթը: Բջիջների գագաթային ծայրերն ուղղված են դեպի խողովակի լուսանցքը։ Երևում է նաև շրջակա շարակցական հյուսվածքը: Զարգացումը՝ մեզոդերմից (նեֆրոգոնոտոմ) Ներկումը՝ հեմատոքսիլին-էոզինով

Պրեպարատ 21. Երիկամի միաշերտ գլանաձև էպիթել Երևում են երիկամային խողովակների լայնական կտրվածքները, որոնց պատերը կազմված են միաշերտ գլանաձև էպիթելից։ Խողովակների շուրջ տեսնում ենք փուխր շարակցական հյուսվածք: Երևում են կորիզները, որոնք կլոր են, տեղակայված հիմային թաղանթի մոտակայքում, բջիջների գագաթային մասերն ուղղված են դեպի խողովակի լուսանցքը: Ներկումը՝ հեմատոքսիլին էոզինով։

121:58

Պրեպարատ 96. Ճագարի շնչափողի միաշերտ բազմաշարք թարթչավոր էպիթել. Բջիջների բարձրությունն ու ձևը տարբեր են, կորիզները դասավորված են տարբեր մակարդակներում: Տեսնում ենք հիմային թաղանթին հարող փոքր, բրգաձև հիմային բջիջներ, ավելի վեր՝ իլիկաձև ներդիր բջիջներ: Ամենավերևում թարթչավոր բջիջներն են, որոնց միջև տեղակայված են գավաթաձև գեղձային բջիջներ։ Ներկումը՝ հեմատոքսիլին-էոզինով

Պրեպարատ 43. Միջաձիգ զոլավոր (կմախքային) մկանային հյուսվածք: Երկայնական կտրվածքում մկանաթելերը գլանաձև են, լայնականում՝ կլոր: Կորիզները դասավորված են սիմպլաստի ծայրերում: Միոֆիբրիլները լավ նկատելի են երկայնական հատույթում: Տե’ս նաև Պրեպարատ 43-ը բջջաբանությունում:

Պրեպարատ 24. Թռչնի սաղմի մեզենքիմ. Տեսանելի են սաղմի առանցքային օրգաններն ու սաղմնային թերթիկները: Սաղմնային թերթիկների միջև տարածությունը լցված է մեզենքիմով: Մեզենքիմի բջիջները ելուստավոր են, կորիզները՝ կլոր են կամ ձվաձև: Ներկումը՝ հեմատոքսիլին-էոզինով

Պրեպարատ 25. Գորտի արյան քսուք. Երևում են պլազման և արյան տարրերը: Գորտի էրիթրոցիտները, ի տարբերություն մարդու էրիթրոցիտների, կորիզավոր են և օվալաձև: Ներկումը՝ հեմատոքսիլին-էոզինով

Պրեպարատ 101. Միզապարկի կտրվածք. Ներկումը՝ հեմատոքսիլին-էոզին. Էպիթելը՝ բազմաշերտ փոփոխական, Մկանային շերտը՝ Ներքին երկայնաձիգ, Միջին օղակաձև, Արտաքին երկայնաձիգ.

Պրեպարատ 31. Սպիտակ ճարպային հյուսվածք Պատրաստուկի մշակման ընթացքում ճարպի լուծման հետևանքով առաջացել են լուսավոր դատարկ խոռոչներ, որոնց պատերը ձևավորում են ադիպոցիտների ցիտոլեման և կորիզները: Ներկումը՝ հեմատոքսիլին-էոզինով

Պրեպարատ 31Ա. Պիգմենտային հյուսվածք. Պրեպարատը գունավորված չէ

Պրեպարատ 33. Խիտ ձևակերպված թելակազմ շարակցական հյուսվածք. Ջլի երկայնական կտրվածք. Տեսանելի են զուգահեռ դասավորված կոլագենային բարակ թելերը, որոնք ձևավորում են առաջին կարգի խրձեր: Խրձերի միջև կան ջլային բջիջներ: Առաջին կարգի խրձերը իրարից բաժանված են էնդոտենոնիումով: Ներկումը՝ հեմատոքսիլին-էոզինով

Պրեպարատ 32. Չձևակերպված խիտ թելակազմ շարակցական հյուսվածք. Մարդու մատի մաշկի կտրվածք Տեսալի է փուխր թելակազմ շարակցական հյուսվածքը՝ պտկիկային շերտում, իսկ դրա տակ խիտ թելակազմ չձևակերպված շարակցական հյուսվածքը, որը ձևավորում է բուն մաշկի ցանցային շերտը. Երևում են տարբեր ուղղություններով դասավորված կոլագենային թելերը.

Պրեպարատը տեղադրել այնպես, որ վերնամաշկը գտնվի վերնամասում Ներկումը՝ հեմատոքսիլին-պիկրոֆուքսինով

Պրեպարատ 26. Մարդու արյան քսուք. Երևում են պլազման և արյան ձևավոր տարրերը:

էրիթրոցիտները զուրկ են կորիզից, երկգոգավոր են (սա մեծացնում է թթվածինը յուրացնելու հատկությունը)

Նեյտրոֆիլներն ունեն մանուշակագույն հատվածավորված կորիզ և համարյա թափանցիկ ցիտոպլազմա՝ դժվար նշմարելի հատիկավորությամբ:

Էոզինոֆիլները տարբերվում են վառ արտահայտված օքսիֆիլությամբ՝ լցված խոշոր, վարդագույն հատիկներով: Կորիզը սովորաբար ունի երկու հատված՝ թույլ միակցված:

Բազոֆիլները հաճախ չեն հանդիպում: Կորիզը գունատ է, ոչ միշտ հատվածավորված: Ցիտոպլազմայում ունեն խոշոր մանուշակագույն հատիկներ:

Լիմֆոցիտներն ունեն կլորավուն մանուշակագույն կորիզ:

Մոնոցիտները հեշտ հայտնաբերվում են քսուքի ծայրերում: Խոշոր բջիջներ են, ունեն ներկված լոբաձև խոշոր կորիզ

Թրոմբոցիտներն ունեն ոչ մեծ չափեր, տեղակայված են ոչ մեծ խմբերով, ունեն թույլ բազոֆիլ գունավորում: Պրեպարատում երևի պետք կլինի ցույց տալ միայն էրիթրոցիտները, որովհետև մյուս ձևավոր տարրերը գտնելը դժվար է։ Ներկումը՝ ըստ Ռոմանովսկի-Գիմզայի (ազուր-2-էոզինով)

Պրեպարատ 36. Առաձգական (էլաստիկ) աճառ. Երևում են խոնդրոցիտների իզոգեն խմբերը, նրանց արանքում՝ էլաստինային թելերը: Պրեպարատի եզրային հատվածում նշմարելի են խոնդրոբլաստները և երիտասարդ խոնդրոցիտները: Ունի վերնաճառ, կրակալվող չէ: Ներկումը՝ օրսեինով.

Պրեպարատ 28. Ավշային հանգույցի ռետիկուլային հյուսվածք. Համեմատաբար լուսավոր հատվածներում տեսանելի են ելուստավոր բջիջները, նրանցում առկա լիմֆոցիտները: Ներկումը՝ հեմատոքսիլին-էոզինով

Պրեպարատ 37. Թելակազմ աճառային հյուսվածք (հորթի միջողնային սկավառակ) Տեսանելի են աճառային բջիջները և կոլագենային թելերը: Վերնաճառ չունի։ Հանդիպում է միջողնային սկավառակներում, թելակազմ շարակցականի՝ հիալինային աճառի անցնելու տեղում։ Ներկումը՝ հեմատոքսիլին-էոզինով

Պրեպարատ 35. Հիալինային աճառ Երևում են շարակցահյուսվածքային վերնաճառը, դրա տակ՝ խոնդրոգենային շերտը, որի տակ երիտասարդ իլիկաձև աճառային բջիջներն են: Ավելի խորը շերտերում բջիջները դասավորվում են 2-4 բջիջներով՝ ձևավորելով իզոգեն խմբեր: Ունի վերնաճառ, կարող է կրակալվել: Ներկումը՝ հեմատոքսիլին-էոզինով

Պրեպարատ 41. Ոսկրային հյուսվածքի զարգացումը մեզենքիմից. Ուղղակի օստեոգենեզ. Ներկումը՝ հեմատոքսիլին-էոզինով

Պրեպարատ 40. Թիթեղակազմ ոսկրային հյուսվածք. Խողովակավոր ոսկրի դիաֆիզի երկայնական կտրվածք: Ներկումը՝ ըստ Շմորլի

Պրեպարատ 42. Ոսկրային հյուսվածքի առաջացումը աճառային հյուսվածքի տեղում. Անուղղակի օստեոգենեզ. Երևում են էպիֆիզը, դիաֆիզը, նրանց միացնող՝ աճառային հյուսվածքից կազմված մետաֆիզը: Ներկումը՝ հեմատոքսիլին-էոզինով

Պրեպարատ 39. Թիթեղաձև ոսկրային հյուսվածք. Խողովակավոր ոսկրի դիաֆիզի լայնական կտրվածք. Տեսանելի են վերնոսկրը, օստեոնները՝ կենտրոնական խողովակներով: Օստեոնների միջև տեղակայված են ներդիր թիթեղներ: Թիթեղների վրա կարելի է տեսնել օստեոցիտներ: Ներկումը՝ ըստ Շմորլի

Պրեպարատ 44. Սրտամկանի հյուսվածք (միոկարդ) Երևում են կարդիոմիոցիտները՝ բերանակցումներով և ներդիր սկավառակներով (սև շերտեր են): Կարդիոմիոցիտները երկայնական կտրվածքում են, երևում են նաև կորիզները: Առաջանում է սպլանխնոտոմի վիսցերալ (ընդերային) թերթիկի միոէպիկարդիալ թիթեղից: Ներկումը՝ երկաթյա հեմատոքսիլին

Պրեպարատ 109. Արգանդի պարզ խողովակաձև գեղձ. Արգանդի պատի կտրվածք. Երևում է լուսանցքը՝ անկանոն աստղաձևությամբ, որի պատը պաստառված է միաշերտ գլանաձև էպիթելով: Նրան ենթակա շարակցական հյուսվածքում են չճյուղավորված պարզ խողովակավոր գեղձերը, որոնք ունեն մուգ կորիզներով խողովակների կամ կուտակված բջիջների տեսք։ Ներկումը՝ հեմատոքսիլին-էոզինով

Պրեպարատ 56. Պատրաստուկը պետք է տեղադրել այնպես, որ բազմաշերտ էպիթելը լինի վերևից. Երևում են եղջերաթաղանթի 5 շերտերը. 1) առաջային բազմաշերտ չեղջերացող էպիթել 2) առաջային սահմանային թիթեղ 3) եղջերաթաղանթի բուն նյութ (խիտ ձևակերպված շարակցական հյուսվածք) 4) հետին սահմանային թիթեղ 5) հետին էպիթել (միաշերտ տափակ) Եղջերաթաղանթն ունի մեզենքիմալ և էկտոդերմալ ծագում Ներկումը՝ հեմատոքսիլին-էոզինով.

ՇՆՈՐՀԱԿԱԼՈՒԹՅՈՒՆ